Jesuh Sualsoh Tawhnak (Mt 4:1-11; Mk 1:12-13) 41 Jesuh cu Hawvang Thiangtho tuah dimin, Jordan ngun pen a kihleh ten Hawvangin phillawnah pui hi. 2 Mahlai munah ni sawm li sung Satan in khingkhai hi. Hi sung hempoh imah ei ngawlin a um hangin a ngilkial mahtak hi. 3 Satan in Jesuh lakah, “Pathian Capa na hi ngangai tale hi suang hi cangho suaktikin,” ti hi. 4 Jesuh in, “Lai Thiangtho sungah mihing nunnak cu an bek kha ma hi ti hi,” tin don hi. 5 Satan in hawhpih leleu in, mitphelep sungin leihum ngam hempoh lak hi. 6 “Hi leihum thuneihnak le hauhnak hempoh nangmah pia tung hi. Keima ta hi ka piak nuammi i lakah pia thei ing. 7 Ka mai ah kuunin, na bia tale hite hempoh nangmata hi tuk,” ti hi. 8 Jesuh in, “Lai Thiangtho sungah, ‘Na Topa na Pathian bek bia inna,’ ama na bek dekin ti hi,” tin don leleu hi. 9 Mahten Satan in Jerusalem ah hawhpihin, Jerusalem biakinnkul humah khunin, “Pathian Capa na hi ngai tale hilai pen dawksukin hi. 10 Itahim titale Lai Thiangtho sungah nangmah a cingkhawitu tuk Pathian in vancungmite cial tuk hi. 11 Vanmi ten a kut tuah dom haw tuk a, na ke cu suang tuah sawhdun kha tukma hi tin um,” ti hi. 12 Mahnaven Jesuh in, “Lai Thiangtho sungah na Topa na Pathian khingkhai pahsun tin um hi,” tin don hi. 13 Satan in hi sualsohnak hempoh a celh ten hun khat sung Jesuh cu zam hi. Jesuh Cu Galilee Ah Nadek Pan (Mt 4:12-17; Mk 1:14-15) 14 Jesuh cu Galilee ah a kihleh ten Hawvang Thiangtho huham tuah dim hi. Mahlai ngam hempoh ah a min cu na thang khawng hi. 15 Pumkhawm innah thuhilhin mi hempoh ten pahcawi haw hi. Nazareth Ten Jesuh Nial (Mt 13:53-58; Mk 6:1-6) 16 Jesuh cu a tuallennak Nazareth khua ah hawhin, a dan bangin Sabbath ni-in, pumkhawm innah hawh a, Lai Thiangtho sial tukin ding a, 17 Isaiah laizial pi khi pia haw hi. Mah laibu pi cu keu in: 18 “Topa i Hawvang cu ka humah um hi. Itahim titale mi ca-ngah tei lakah lungdamnak thuthangpha phuang tukin sathau thihsakin kei cu teng zo hi. Saltangmi tei lakah luatnak thu hilh tukin le mitcaw tei khua muhleh theihnak tukin keimah teng zo hi. Bawlsiat thuakte luattik tukin le 19 Topa in, a mihingte a patnak tuk hun heng zo hi tih thu tangau tukin keimah tiik hi,” tih thu ngatnak mun khi sial hi. 20 Jesuh in, a sialmi laibu khi zial lehin, a kemtu pa i khutah a sat celh ten khung hi. A khawmtumtu hempoh ten Jesuh cu mitphelep ngawlin zo haw hi. 21 Jesuh in, “Ka sialmi na zak uh bangin hi Lai Thiangtho sungah a ngatmi cu tuni in heng hi,” ti hi. 22 Mualnei zetin, a ot mite a zak haw ten a lungmu sung hawah pom zetin thasiah mahtak haw hi. “Hi pa hi Josef capa hi ma maw?” tin ti haw hi. 23 Jesuh in, ‘Sibawi pa aw nangmah le nangmah damtik duncopin,’ tihmi thupaucap khi mangin keimah tituk uh ci tih cu ciang zetin thei ing. Mah humah, “Kapernaum khua a, na thil bawl thu ka zak uhte khi nangma khua ah bawlbokin hi,” tin ti nuam tuk uh ci. 24 Thungai in hilh ing: Profet cu a piannak khua ah sunsak awng haw ma hi. 25 “Ka hilhmi hi ngai un: Elijah khanlaih khin kum thum le lang sung nguahzu ngawlin ngampi ah paam tung hi. Mahlai tak khin Israel ngam sungah meivong tampi um haw tih khi thuman hi. 26 Mahnaven Elijah cu Israel mi pa khat lakah hei hawhtik ngawlin Sidon peng Zarefath khua a, meivongnu i lak bekah hawhtikmi hi. 27 Profet Elisha khan laihin, Israel ngamsung um mi tampi cu phaak haw hi. Mahnaven damnak ngahtu midang kuamah umma hi. Syria mi Naaman bek dam,” ti hi. 28 Hi thu pumkhawm inn a, pumkhawmtu ten a zak haw ten thinuk mahtak haw hi. 29 A venghawng haw in dingto tutup haw a, Jesuh cu a khua haw pen doktul vawk haw hi. A khua tohnak haw mualkul tian kai in, liangah sawnvawk tum haw hi. 30 Mahnaven Jesuh cu mipi laklawh pen ama hawh nuamnak lamah hawh vawkta hi. Dawi Ngilo Neitu Pa (Mk 1:21-28) 31 Jesuh cu Galilee peng Kapernaum khua ah hawh a, Sabbath ni-in thuzilhnak nei hi. 32 Thu a zilh ten thunei zetin, a zilh hangin mipi ten lamdangsa mahtak haw hi. 33 Pumkhawm inn sungah dawi ngilo i polh mipa pa khat um hi. Hi pa in Jesuh lakah, 34 “Nazareth Jesuh, iti bangin kohte bawl tum cim? Keimuh siatsuah tukin hung cim maw? Akua cim tih thei ing. Pathian profet thiangtho hi ci!” ti hi. 35 Jesuh in, “Hi pa i sung pen tulin hi!” tin dawi ngilo cu thupia hi. Dawi ngilo in mahpa cu mipi mai ah lumtikin, a humah siatnak bawl ngawlno in taitulta hi. 36 Mipite cu lamdangsa in pa khat le khat “Hi pa i awnkam hi lamdang mahtak si. Thuneizet le huham nei zetin dawi ngilo thu a piak ten taitul thong haw hi,” tin son li haw hi. 37 Jesuh i thu cu mahlai ngamsung hempoh thangkeh paih hi. Jesuh In Mitampi Damtik (Mt 8:14-17; Mk 1:29-34) 38 Jesuh cu pumkhawm inn pen tulin Simon i innah hawh hi. Simon i sungnu cu a khawsik nattun hangin Jesuh lakah hilh haw hi. 39 Jesuh cu a zaunak elah dingin mah nu i nattun cu dam tukin thupia hi. A natnak cu thakhat damin, thoto paihin, a mikhualte cu tuamlawm hi. 40 Taklam nitum ceng ten natnak phunkim thuaktu hempoh cu a ngualcam haw ten Jesuh lakah hawhpih haw hi. Tina tei lu humah a khutsuanin damtik khawng h
Jesuh In Mitampi Damtik (Mt 8:14-17; Mk 1:29-34) 38 Jesuh cu pumkhawm inn pen tulin Simon i innah hawh hi. Simon i sungnu cu a khawsik nattun hangin Jesuh lakah hilh haw hi. 39 Jesuh cu a zaunak elah dingin mah nu i nattun cu dam tukin thupia hi. A natnak cu thakhat damin, thoto paihin, a mikhualte cu tuamlawm hi. 40 Taklam nitum ceng ten natnak phunkim thuaktu hempoh cu a ngualcam haw ten Jesuh lakah hawhpih haw hi. Tina tei lu humah a khutsuanin damtik khawng hi. 41 Mi tampi tei sung pen dawi ngilo hei taitulin, “Nang cu Pathian Capa hi ci,” tin au haw hi. Jesuh in dawi ngilo cu awn tuk ngawlin thupia hi. Itahim titale dawi ngilo ten amah cu Khrih hi tih cu thei haw hi. Jesuh Pumkhawm Inn Ah Thuhilh (Mk 1:35-39) 42 Zinglam khuavak ten Jesuh cu hampa lakah hawh hi. Miten amah zei het haw a, amuh haw ten, “Keimuh hi zamthong pahsun hi,” tin kun haw hi. 43 Mahnaven amuh tei lakah, “Pathian uknak Thuthangpha cu mun hempoh ah ka hilh tukmi hi. Itahim titale hi na dek tukin Pathian in keimah hahsuk,” ti hi. 44 Mah hangin Judea ngamsung hempoh a, Pumkhawm innah thuhilh pepel hi.