(Luk 3:23-38)
To listen that verse in audio click to Ngawn..
To listen that verse in audio click to English..
1 Abraham le David casuan Jesuh Khrih i puzung tangthu cu hi bangin hi.
2 Abraham i ca Isaak, Isaak i ca Jakob, Jakob i ca Judah le a suahpih unau panote haw hi.
3 Judah i ca Perez le Zerah (a nu haw Tamar hi), Perez i ca Hezron, Hezron i ca Ram hi.
4 Ram i ca Amminadab, Amminadab i ca Nahshon, Nahshon i ca Salmon,
5 Salmon i ca Boaz (a nu cu Rahab hi), Boaz i ca Obed (a nu Ruth hi), Obed i ca cu Jesse hi. Jesse i ca cu David Kumpipa hi.
6 David khan pen Israel mite Babilon ngamah sal a tan haw tian a pu le pate cu a nuailam bangin hi. David i ca Solomon (a nu cu Uriah zi hi),
7 Solomon i ca Rehoboam, Rehoboam i ca Abijah, Abijah i ca Asa,
8 Asa i ca Jehoshafat, Jehoshafat i ca Joram, Joram i ca Uzziah,
9 Uzziah i ca Jotham, Jotham i ca Ahaz, Ahaz i ca Hezekiah,
10 Hezekiah i ca Manasseh, Manasseh i ca Amon, Amon i ca Josiah hi.
11 Josiah i ca Jeconiah le a unaupihte hi.
12 Babilon saltannak pen Jesuh hin tian a pu le pate cu a nuailam bangin hi. Jeconiah i ca Shealtial, Shealtial i ca Zerubbabel,
13 Zerubbabel i ca Abiud, Abiud i ca Eliakim, Eliakim i ca Azor,
14 Azor i ca Zadok, Zadok i ca Akhim, Akhim i ca Eliud,
15 Eliud i ca Eleazar, Eleazar i ca Matthan, Matthan i ca Jakob,
16 Jakob i ca Jesuh hingtu Mary i pasal Josef hi.
17 Mah hangin Abraham khan pen David khan tian, khang sawm le khang li hi. David khan pen Babilon tei sal a tan haw tian khang sawm le khang li, Babilon tei sal a tan haw pepan Khrih i hin tian khang sawm le khang li hi. Jesuh Khrih Hinnak (Lk 2:1-7)
18 Jesuh Khrih i hinn ankh cu hi bangin hi. A nu Mary cu Josef in hamin, a huaidun haw deuh laih ngawlin Hawvang Thiangtho ca nei tung tih thei hi.
19 Josef cu midik le mipha a hih ten Mary i zahcak tuk deih ngawlin kuamah i theih ngawlno in zamsan tukin ngaisung hi.
20 Mahnaven hi bangin a ngaihsut laihtakin, Topa i vancungmi pa khat cu a mangah langin hitih hin hilh hi. “David casuan Josef aw, Mary sung a ummi nau cu Hawvang Thiangtho i neihtikmi a hih hangin zi tukin lau pahsun.
21 Amah in capa hing tuk a, a min Jesuh tin sa tuk ci, itahim titale a miphun tei sualnak pen a nun haw pan tuk hi,” tin ti hi.
22 Topa in profet hum tawnin, a hilh hamsa bangin a kim theihnak tukin na hi. Mah thute cu;
23 “Khanglai himin ca pai tuk a, capa hing tuk hi, a min cu Immanuel tin sam haw tuk hi,” tin a hilhsami a kimnak tukin hi bangin a piangmi hi. Immanuel tihmi cu,
“Pathian eimu lakah um,” tihnak hi.
24 Josef cu a khatlawh ten Topa i vancungmi tei hilhnak bangin Mary cu huai hi.
25 Mahnaven capa a hin tian zaupih ma hi. Capa hingin, a min cu Jesuh ti in sa haw hi.
-- 0 --