To listen that verse in audio click to Ngawn...
To listen that verse in audio click to English...
1 Herod i Judea ngam kumpipa a deh laihtakin, mahlai ngam a, Bethlehem khua sungah Jesuh cu hing hi; a ngei ngawlin nisuahnak lam pen aksi zothiamte cu Jerusalem khuapi ah heng haw hi.
2 “Judah mitei kumpipa tukin a hingmi nauno ilai ah him? Nisuahnak lam pen ama aksi ka muh uh bangin amah a bia tukin hung ung,” tin ti haw hi.
3 Herod in hi thu a zak ten a lungmu tam zetin, Jerusalem khua mite vang lungmu tamzet ten bok haw hi.
4 Thiampi upate le Daan zilhtute samkhawmin, “Khrih cu ilai ah hing tuk kaw?” tin dong hi.
5 Amuh ten, “Judah ngam Bethlehem ah tuk hi,” tin don haw. Profet tei ngatmi cu hi bangin hi.a
6 “Judah ngamsung a ummi nang Bethlehem, Judah ngamsung khuapi lak pen a neubel cu hi ma ci. Itahim titale nangma sung pen lamhuaitu pa khat piang tuk a, ka mihing Israel mite lamhuaitu tuk,” ti hi.
7 Mah hangin Herod in nisuahnak lam micipte cu samkuh denin, aksi a suah pat hun khi ciang zetin dongkan hi.
8 Mahten Bethlehem ah hawhtikin, “Hawh unna, nauno cu kom zetin zei un, na muh uhten keimah hilhleh unna, amah bia tukin hawh bok tung,” tin thucah hi.
9 Herod i hilhnak bangin hawh haw a, nisuahnak lam pen amuh haw mi aksi cu a mai ah hawhin muleh haw hi.
10 Mah aksi a muhleh haw ten lamdang sazet haw a, hawhngutin nauno umnak zawnkekah cawl hi.
11 Inn sungah tumin, nauno cu a nu Mary tuah amuh haw ten khukdinin bia haw hi; laksawng a puak haw mite sui, frankinsens le mura cu laksawngin pia haw hi.
12 Pathian in micip tei mangah Herod lakah kikleh tuk ngawlin a hilh hangin lampi dang tawnin pin haw hi. Izipt Ngamah Tai Haw
13 Nisuahnak lam micip tei tul nungten Topa i vancungmi pa khat cu Josef mangah langin, “Tho inna, nauno le a nu cu pui in hi. Itahim titale nauno cu Herod in, a that tukin zei a hih hangin Izipt ngamah tai un, kihlehnak tuk ka hilhleh laklawh tian mahlai ah um un,” ti hi.
14 A tihnak bangin Josef cu tho in, nauno le a nu tuah azan azanin, Izipt ngamah tai haw hi.
15 Topa in profetb tei kam pen, “Ka Capa cu Izipt ngam pen samtul ing,” tin, a tihmi a kimnak tukin Herod thih tian Izipt ngamah um haw hi. Herod In Naupangte That
16 Herod in nisuahnak lam a micip ten zol haw hi, tih a theih ten a thinukzet hi. Micip tei hilhmi aksi a tul hun tuah khawthu tuk tuatin, Bethlehem le a elkim khua ah a ummi pano naupang kum nih le a nuaisiah thah khawng tukin thupia hi.
17 Mahti bangin profet Jeremiah i hilh hamsa bangin kim hi, a hilhhammi cu:
18 “Ramah khuasung pen aw ngingin, kahnak le taunak aw hi. Rachel in, a cate a thih khawng haw hangin kah hi, lem hei lem theih ma toh,” tin a hilhmi thu a kimnak tukin na hi. Izipt Ngam Pen Kikleh Haw
19 Herod i thih nungten Izipt ngamah Topa i vancungmi pa khat cu Josef mangah langin,
20 “Tho inna, nauno le a nu cu Israel ngamah kikpih lehin, itahim titale nauno thah tumtute thi zo haw hi,” tin ti hi.
21 A tihnak bangin Josef cu tho in, Israel ngamah kikleh tukin nauno le a nu tuah hawh haw hi.
22 Mahnaven Arkhelaus in, a pa Herod ai-awhin Judea kumpipa thek tih cu Josef in, a zak ten mahlai ah hawh ngam ngawlin, a mangin a hilh bet haw bangin Galilee ngamah hawhin,
23 Nazareth tihmi khua ah um haw hi. Mahti bangin profet tei hilh hamsa bangin, “Amah cu Nazareth mi hi tuk hi,” tihmi cu kim hi.
--0--